Við biðjumst velvirðingar á því að vegna bilunar getum við ekki uppfært vefsíðuna okkar með góðu móti þessa dagana. Ný vefsíða er í smíðum. Hún verður vonandi tilbúin fljótlega á nýju ári. Vinsamlegast snúið ykkur til upplýsingaþjónustu Bókasafnsins með fyrirspurnir. Netfangið þar er bokasafn@kopavogur.is og síminn er 570-0450.
Laugardaginn 7. nóvember sýnir brúðuleikhúsið 10 fingur skuggabrúðusýninguna Sólarsögu í Lindasafni kl. 13:00 og í Aðalsafni í Hamraborg kl. 15:00. Sýningin tekur 40 mínútur og er ætluð 2-6 ára börnum. Stjórnandi sýningarinnar er Helga Arnalds. Ókeypis aðgangur meðan húsrúm leyfir.
Handavinnu– og prjónaklúbburinn tók til starfa í Aðalsafni 2. september. Hann hittist alla miðvikudaga í Listvangi kl. 16:30.
Allir eru velkomnir, með eða án handavinnu, til að fá góð ráð og leiðbeiningar, skoða og spjalla. Úrval af handavinnubókum og blöðum. Nýir félagar eru boðnir sérstaklega velkomnir. Umsjón hefur Elísa Friðjónsdóttir.
Sögustundir fyrir 3ja til 6 ára byrja í Aðalsafni 7. október. Þær eru kl. 10:00 á miðvikudögum í allan vetur og standa 30-45 mínútur. Í Lindasafni byrja sögustundir 6. október og verða kl. 10:00 alla þriðjudaga í vetur.
Sögustundir á rússnesku byrja næsta laugardag, 26. september kl. 14:00. Þær verða síðasta og fyrsta laugardag í hverjum mánuði.
ROSSÍA og LATVIJA – Rússland og Lettland Bókasafn Kópavogs hefur nú tekið að sér hlutverk móðursafns rússneskrar og lettneskrar tungu á Íslandi. Er það hluti af samstarfsverkefni almenningsbókasafna á Íslandi sem ber heitið “Bækur og móðurmál.” Laugardaginn 15. maí 2004 var Rússlandsdeildin opnuð formlega. Það gerði rússneski sendiherrann á Íslandi, hr. Alexandr Rannikh og færði safninu um leið bókagjöf.
Forsíða
