Þann 11. maí 2002 var Bókasafn Kópavogs opnað í nýju og glæsilegu húsnæði, Safnahúsi Kópavogs, á þremur hæðum og um 1400 fermetrum.
Á 1. hæð (jarðhæð) eru Djúpið og Kórinn - fjönotasalur sem tekur um 60 manns í sæti. Á 1. hæð Safnahússins er einnig Náttúrufræðistofa Kópavogs.
Aðalútlánasalur og -afgreiðla safnsins er á 2. hæð (miðhæð) en auk hennar eru afgreiðsluborð á 1. hæð og í
barnadeild á 3. hæð. Vélbókavörðurinn Samúel er
einnig með aðstöðu á 2. hæð.
Tímaritadeild og kaffistofa er miðsvæðis á 3. hæð (efstu hæð). Þar er gengt út á verönd með glæsilegu
útsýni til suðurs, vesturs og norðurs, þar sem hægt er að setjast niður og njóta veðurblíðunnar þegar hún gefst. Kaffi
er í boði gegn vægu gjaldi.
Lesaðstaða er í básum og við borð á víð og dreif um safnið. Sex
tölvur eru til afnota fyrir almenning á 2. hæð gegn vægu gjaldi. Einnig eru á öllum hæðum tölvur til leitar í
safnkosti.
Lyfta er í húsinu og snyrtingar eru á 1. og 3. hæð.
Safnkynningar
Bókasafn Kópavogs býður upp á safnkynningu fyrir hvern sem þess óskar.
Tilgangurinn með safnkynningum er að fólk kynnist almenningsbókasafninu sínu svo allir geti nýtt sér það sem best í leik, námi og
starfi.
Allir eru velkomnir í Safnahús Kópavogs!
