Hana nú
Bókmenntaklúbburinn Hana nú hefur nú starfað í all mörg ár og eru á hverjum fundi um 15 til 25 félagar. Þeir eru hálfsmánaðarlega á miðvikudögum, afslappaðir og frjálslegir. Fundir hefjast kl. 19:00 og standa yfir í einn og hálfan tíma og eru alltaf búnir fyrir kl. 20:30.
Stundum koma rithöfundar og skáld í heimsókn, en einnig bókmenntafræðingar. Allir eru velkomnir – engin skilyrði – aðeins
áhugi á bókum og lestri. Bókmenntaklúbburinn er lýðræðislegur og allar hugmyndir vel þegnar!
Umsjónarmaður Hana nú er Hrafn A. Harðarson. Síminn hjá honum er 570-0455.
Hér er grein um Hana nú í Morgunblaðinu frá 1997 eftir Hrafn Sæmundsson.
Námskeið í meðferð bóka fyrir börn
Í Barnadeildinni er boðið upp á námskeið í meðferð bóka fyrir leikskólabörn á aldrinum 4ra–5 ára. Námskeiðið gengur út á að ganga vel um á bókasafni, fara vel með bækur og hvað þarf að gera til að þær haldist heilar og hreinar.
Sýnt er hvað er framhlið, bakhlið og kjölur og hve mikilvægur hann er, hvernig á að fletta og leggja frá sér bók. Svo er lesin saga þar sem þessi atriði koma fyrir. Í lokin taka allir smá próf og fá viðurkenningarskjal með nafni sínu.
Umsjón með námskeiðinu hefur deildarstjóri Barnadeildar, Inga Kristjánsdóttir.
