Bókasafn Kópavogs

Einungis er hægt að fá safnefni lánað gegn framvísun eigin bókasafnsskírteinis. Lánþegi (eða ábyrgðarmaður barns) ber ábyrgð á því safnefni sem tekið er að láni gegn framvísun skírteinis hans.

Glatist eða skemmist safnefni í vörslu lánþega greiðir hann andvirði þess samkvæmt gjaldskrá.

Lánstími safnefnis er venjulega 30 dagar. Sé hann styttri er þess sérstaklega getið á útlánakvittun og/eða safnaefni. Fyrir hvern umfram dag greiðist sekt samkvæmt gjaldskrá. Gefi lánþegi upp tölvupóstfang fær hann senda tilkynningu í tölvupósti, tveimur dögum fyrir skiladag.

• Bækur eru yfirleitt lánaðar í 30 daga.
• Geisladiskar og DVD með tónlistar- og fræðsluefni eru yfirleitt lánaðir í 7 daga.
• Myndbönd eru lánuð í 2 daga, fræðslumyndir í 7 daga.
• Tölvuleikir eru lánaðir í 14 daga.
• Fyrir hvern umfram dag greiðist sekt samkvæmt gjaldskrá.
• Endurnýja má lán 2svar sinnum, ef engin frátekt liggur fyrir.
• Hægt er að endurnýja í safninu, á Leitir.is, Gegnir.is eða í gegnum síma eða tölvupóst.
• Hægt er að taka frá efni, sem er í útláni. Frátekt kostar 200 kr. fyrir hverja bók.

Lán má endurnýja ef engin frátekt liggur fyrir á safnaefninu. Hægt er að endurnýja lán í gegnum síma, tölvupóst og á safninu (allt að fjórum sinnum) eða á Leitir.is og Gegnir.is (allt að tvisvar sinnum). Endurnýja má lán á gjaldskyldu efni en greiða þarf nýtt útlánagjald.