Millisafnalán

Hvað er millisafnalán?

Þegar bókaverðir útvega rit sem bókasafnið á ekki, annað hvort bækur eða ljósrit af tímaritsgreinum frá öðrum söfnum.

Landsbókasafn-Háskólabókasafn í Þjóðarbókhlöðu sér um erlend millisafnalán. Síminn þar er 525-5732 og netfangið er ill@bok.hi.is.

Hverjir geta fengið millisafnalán?

Þeir sem eiga gild bókasafnsskírteini er heimilt að nýta sér þessa þjónustu. Æskilegt er að notendur athugi sjálfir hvort ritið finnist á Leitir.is eða á Gegnir.is áður en beðið er um millisafnalán.
Bókasafn Kópavogs er þátttakandi í samstarfi um millisafnalán. Sé rit sem lánþega vanhagar um ekki fáanlegt hjá okkur er mögulegt að biðja um að fá það sent frá öðru safni (þetta á þó ekki við um almenningsbókasöfn innan höfuðborgarsvæðisins). Fyrir þessa þjónustu þarf lánþegi að greiða samkvæmt gjaldskrá.
Grunn- og framhaldsskólasöfn lána almennt ekki rit úr sínum safnkosti til almennings. Tekin er afstaða til þess í hverju tilviki hvort bók sé veitt í millisafnaláni. Í flestum tilvikum er hægt að fá ljósrit af greinum milli safna.
Sérfræðisöfn setja sínar eigin reglur varðandi útlán og millisafnalán. Hjá sumum söfnum getur notandi fengið bók að láni og mörg lána bækur í millisafnaláni. Í sumum tilvikum er þó einungis um lestrarsalslán að ræða. Í flestum tilvikum geta bókasöfn fengið ljósrit af greinum og í sumum söfnum er sú þjónusta gegn gjaldi.

Umsjón með millisafnalánum á Bókasafni Kópavogs hafa Jakobína Ólafsdóttir og Ragna Guðmundsdóttir. Símanúmer upplýsingaþjónustu er 570-0450.