Uppskeruhátíð Barnamenningarhátíðar

Þann 21. apríl verður dagskrá í öllum Menningarhúsunum þar sem fjölskyldum er gefið færi á að upplifa það sem börnin hafa unnið að á Barnamenningarhátíð. Verk barna sem gerð voru í smiðjum hátíðarinnar, dagana 16.-20. apríl verða til sýnis í Gerðarsafni og Náttúrufræðistofu.

Dagskráin er sem hér segir:
11:30 – 13:30 Bókasafn Kópavogs Lindasafn Japanskar dúkkulísur og grímur, smiðja fyrir alla fjölskylduna.

  • 13:00 Leikfélag Kópavogs, Funalind Fróði og hinir gríslingarnir í boði Kópavogsbæjar. Skráning á: kopleik.is/syningadagatal/
  • 12:00 – 14:00 Bókasafn Kópavogs aðalsafn. Arabíska, rússneska, pólska og íslenskar rúnir. Lærið að skrifa fallegt letur!
  • 13:00 – 15:00 Gerðarsafn Hreyfi-teiknismiðja með Eddu Mac og Hrafnhildi Gissurardóttur sem leiða smiðju í takt við tónlist í sýningarsal Gerðarsafns.
  • 14:00 – 16:00 Náttúrufræðistofa Leirsmiðja þar sem dýr, fiskar og steinar fá leirkórónur sem öll fjölskyldan getur gert undir handleiðslu listakvennanna Elínar Önnu og Guðrúnu Jónu.
  • 15:00 – 16:00 Gerðarsafn Marokkósk stemmning í Stúdíói Gerðar. Hennatattú og teboð í samstarfi við félag kvenna frá Marokkó.
  • 16:00 Salurinn Barnaóperan Gilitrutt eftir Hildigunni Rúnarsdóttur er spennandi fyrir alla fjölskylduna. Sagan er færð til nútímans og Gilitrutt er komin með snjallsíma.
  • 17:00 Salurinn Raftónlistarmenn framtíðar úr Kársnesskóla. Afrakstur námskeiðs sem bæjarlistamaðurinn Sigtryggur Baldursson stóð fyrir verður kynntur af nemendum og tónlistarmönnunum Unnsteini Manuel og Hildi Kristínu.

Allir viðburðirnir eru ókeypis og öll fjölskyldan hvött til að taka þátt!